Bunadsfrisyre på 1-2-3 med hårstrikk i sølv
Med hårstrikk i sølv fiksar du raskt bunadsfrisyren. Sølvpynten heng godt på hårstrikken, samtidig som det er enkelt å skilja desse frå kvarandre.
Oppgjennom dei siste åra har me fått mange førespurnadar om å laga hårstrikk med sølvpynt som passar til bunaden. Utfordringa er at hårstrikk inneheld den største fienden til sølvet: nemleg gummi som kan laga stygge flekkar, og på kort tid gjera sølvet matt og stygt.
Gullsmed Anders Fagerthun forklarar:
- Gummi inneheld svovel, og når sølv kjem i kontakt med det, dannar det seg eit mørkt og hardt belegg som kan vera vanskeleg å få vekk. Dette er ein kjemisk reaksjon og me seier at sølvet oksiderer.
Les også: Kvifor oksiderer sølv? Kan ein unngå dette?
- Men no har me funne løysinga, smiler han.
Saman med andre dyktige fagfolk i verkstaden har han funne ein smart måte å kombinera sølv og strikk.
- Det handlar om ei unik festeanordning som gjer at sølvpynten heng godt på hårstrikken, samtidig som den er enkel å ta av. Og nettopp det å kunna skilja dei frå kvarandre, gjer det mogleg å oppbevara sølvet separat, slik at ein bremser oksideringsprosessen.
- Dessutan forenklar det reingjeringa, som også er essensielt for å halda sølvet blankt over tid, fortel Anders.
Det handlar om ei unik festeanordning som gjer at sølvpynten heng godt på hårstrikken, samtidig som den er enkel å ta av.
LES OGSÅ: Slik pussar du bunadsølv på 1-2-3
LES OGSÅ: Slik oppbevarar du bunadsølv
Hårstrikk i sølv til fest og kvardag
- Smart at sjølve strikken kan bytast ut, den har jo ein tendens til å slitna etter kvart, seier Kristiane Norstad frå Bergen, som er hårmodell for Sylvsmidja for anledninga.
Ho plukkar opp og granskar eit par av hårstrikkane i kvitt og forgylt sølv.
- Desse hadde passa til vossabunaden min, utbryt ho.
Gullsmedane våre har latt seg inspirera av vakre søljer og anna bunadsølv til dei ulike bunadene i landet. Utvalet er stort, med over 30 ulike hårstrikkar kan du vera sikker på å finna den som passar til din bunad, uansett om du har oksidert, kvitt, forgylt eller gamalforgylt sølv.
- Dei er jo så utruleg fine, alle saman, seier Kristiane og let seg begeistra når ho farar blikket over bordet med alle dei vakre hårstrikkane.
- Eg kunne tenkt meg fleire av desse for å pimpa opp hestehalen min i kvardagen, smiler ho.