Ein ny generasjon 17. mai-sløyfer
Eit nytt 2 i 1-design med motiv inspirert av søljer gjer at du kan bruka dei nye 17. mai-sløyfene heile året.
– Nokon har kanskje sterke meiningar om at 17. mai-sløyfer ikkje kan brukast på bunad, men det er sjølvsagt lov, fortel den svært engasjerte Anders Fagerthun.
Gullsmeden jobbar med sal og produktutvikling i Sylvsmidja og er svært stolt over å endeleg kunne fortelje om eit av prosjekta han har jobba med lenge.
17. mai-sløyfene som lanserast våren 2023 skil seg frå dei tradisjonelle 17. mai-sløyfene med å ha to forskjellige bruksområder.
– Dei nye sløyfene kan brukast som komplett 17. mai-sløyfe, og sløyfebandet kan takast av slik at pinsen kan brukast aleine på til dømes skjortekragen eller på eit sjal.
Ni nye variantar av 17. mai-sløyfer
Sjølve pinsen på dei nye sløyfene er tilgjengelege i tre design, og med dei ulike overflatevala er det totalt ni nye variantar som no lanserast.
– Alle designa kjem i forgylt og oksidert overflate. Eit av dei kjem også i gamalforgylt, oksidert/gamalforgylt, kvit og kvit/forgylt. Nokre av pinsane har også graveringsfelt. Her er det mykje å velja i, seier Fagerthun.
Det smarte designet gjev forhåpentlegvis 17. mai-sløyfa lengre levetid og hyppigare bruk.
– Designet gjer det svært enkelt å rensa og vaska sjølve sølv-pinsen, slik at den held seg fin lenge. Endane på det tre-farga 17. mai-bandet er varmekutta. Det hindrar sløyfebandet å frynse. Designet gjer det også mogeleg å bytta sløyfe ved søl eller andre uhell.
LES OGSÅ: Pusse bunadsølv på 1-2-3
Fleire design under planlegging
Utviklinga av dei nye 17. mai-sløyfene er gjort i tett samarbeid med forhandlarar og kundar.
– Denne typen produktutvikling startar gjerne som ein god idé hos oss, men samarbeidet med forhandlarane og sluttbrukarane er viktig. Med all erfaring smelta saman har me eit godt grunnlag for det me lanserer.
Nokre stadar har allereie fått lokale 17. mai-sløyfer med pinsar med motiv av til dømes kommunevåpen og fjell, for eksempel i Nordfjord. Fleire vil kome til. Desse blir selde gjennom lokale forhandlarar. Nye design for herrar er også planlagt lansert i nettbutikk og hos forhandlarar til hausten.
– Produktutvikling er veldig spennande, og eg er privilegert som får jobbe med dette, seier gullsmed Anders Fagerthun.
