17. mai-sløyfene som varar i generasjonar

Sjå utvalet av 17. mai-sløyfer her.

Kva er vel meir stas enn «Ja, vi elskar» frå hus og leilegheiter, frå hagar og balkongar. Frå snødekte fjelltoppar til fjord og sjø.

Uansett kor du vel å feira nasjonaldagen er det stas å pynta seg med ei 17. mai-sløyfe med sølvnål og Noreg sine vakraste fargar.

— Det fine med ei sløyfe frå Sylvsmidja er at den varar i generasjonar. Me har sløyfer til heile familien, kan Eldrid Eilertsen, som jobbar på kundesenteret fortelja. Ja, til og med til dei firbeinte!

• Blei det brått travelt? Slik pussar du bunadsølv på 1–2–3
   

Favorittane

— Det er sjølvsagt mange som bestiller 17. mai-sløyfer på vårparten, fortel Eldrid. Og dei soleklare favorittane til dei vaksne er sløyfene med filigran- og kongekrune-motiv.

— Til barn er det spesielt krunesløyfa det går mest av, og den passar til både jenter og gutar.

Eldrid har også eit tips på lur: — Dersom du ynskjer noko feminint og lite, er barnesløyfene fine å bruka, også til vaksne.

Motiv frå norsk natur

Naturen har alltid vore ei utømmeleg inspirasjonskjelde i alle moglege samanheng, også når det gjeld bunadsølv. Fleire av motiva på sløyfene våre er tufta på naturens eigne smykke:Vakre blomar frå norsk natur.

Rosemotiv

Rosa i oksidert sølv er blant anna eit kjent og kjært symbol i Trondheim frå mellomalderen, og som tek utgangspunkt i nyperosa.

— Ikkje la deg lura av namnet! Rosemotivet kan brukast av alle, uansett kvar i landet du kjem frå, seier Eldrid bestemt og viser fram 17. mai-sløyfa med den vakre Trondhjemsrosen på.

Nordlandssløyfa

Nordlandssløyfa finst både i oksidert og kvitt sølv. Den har blomsterdekor som er inspirert av broderiet på nordlandsbunaden.

— Eit yndig blomstermotiv som mange likar. Og det er absolutt ingenting i vegen for å velja denne, sjølv om du ikkje er frå Nordland.

Tromsøpalmen

Det hardføre ugraset tromsøpalmen har fått æra av å pryda denne sløyfa. Den er hardfør, sjølvstendig og toler det meste. Kanskje eit fint biletleg uttrykk for korleis me nordmenn likar å sjå på oss sjølve som, seier Eldrid og smiler.

Høgre eller venstre side?

Korleis var hugseregelen med 17. mai-sløyfa igjen? Skikk og bruk seier at den skal festast så nært hjarta som mogleg, altså på venstre side.

Her kan du lese meir om å kor 17. mai-sløyfa skal festast.

Ein følgjesven med 17. mai-sløyfe til hund er pynta og klar for fest.

Kan du bruka 17. mai-sløyfa til bunaden?

Mange har sterke meiningar om dette. Nokre synest det blir smør på flesk og tenkjer at 17. mai-sløyfa berre bør brukast av dei som ikkje har på seg bunad.

«Kvifor ikkje?» seier andre, og brukar det meir enn gjerne saman med bunaden.

Så kva er eigentleg riktig?

Fasiten er: 17. mai-sløyfe er i utgangspunktet ikkje ein del av bunaden, men bruk den om du synest det er fint, konstaterer Eldrid bestemt.

— Og så må me ikkje gløyma 17. mai-sløyfa til dei firbeinte.

Og hugs: Alle 17. mai-sløyfene frå Sylvsmidja har livstidsgaranti.