Brenn du for ny teknologi, digital marknadsføring og finn motivasjon i å jakta på best mogleg ROI?​

Då kan det vera deg me ser etter som vår nye Performance Marketing Specialist.

Du er analytisk, resultatorientert og set innsikt og data i sentrum av arbeidet ditt. Med ei strukturert tilnærming og eit skarpt auge for detaljar, jobbar du effektivt og målretta.

Som person er du ein initiativrik lagspelar som ser moglegheiter i utfordringar. Du nyttar kunnskapen din på tvers av fagområde og vert motivert av å vera ein del av eit stort arbeidslag, der godt samspel er nøkkelen til å løysa oppgåver.

Ditt hovudansvar er å driva relevant trafikk og konvertering via ulike annonseplattformar, og samarbeida tett med marknadssjef, digital marknadsførar, byrå og andre eksterne partnarar.

 

•  Fordeling av budsjett for å sikra gode, kostnadseffektive kampanjar.

• Planlegging, utvikling og optimalisering av nasjonale og internasjonale kampanjar på Google Ads og andre annonseplattformar.

• Planlegging, utvikling og optimalisering av ulike annonsetypar for både nasjonale og internasjonale kampanjar, særleg gjennom Google Ads, men også andre annonseplattformar.

• Overvaking, analysering og rapportering av kampanjeresultat med fokus på mål og forbetringspotensial.

• Bidra med søkeordanalyse, SEO-tiltak og optimalisering for synlegheit i KI-søk.

• Bidra med relevant innsikt til arbeid med marknadsplanar og kampanjestrategi

• Utvikling og implementering av KI-drivne løysingar for effektivisering av arbeid og forbetring av resultat.

• Andre marknadsoppgåver etter behov.

 

• Har solid erfaring med spekteret av Google Ads, Merchant Center, GTM, GA4 og Meta Business Suite.

• Kan skriva engasjerande annonsetekstar som treff målgruppa, både på norsk og engelsk.

• Forstår krafta av SEM og veit korleis du kan få merkevara vår til å blenkja gjennom heile kundereisa.

• Er teknologisk nysgjerrig, ivrig på å halda deg oppdatert og likar å testa ut nye metodar og løysingar.

• Det er ein føremon om du meistrar nynorsk då me nyttar denne målforma i all marknadskommunikasjon.

• Jobbar sjølvstendig, men har samstundes evne til å byggja gode relasjonar og dela kompetanse med andre.

• Har du andre relevante erfaringar eller kvalifikasjonar som kan styrka rolla? Då vil me gjerne høyra om det.

 

• Fast jobb i ei solid verksemd med stolt historie og fokus på innovasjon.
• Ein spanande arbeidskvardag med kjekke kollegaer og varierte oppgåver med både nasjonalt og internasjonalt fokus.
• Rom for kompetanseutvikling
• Konkurransedyktige løn og vilkår
• Arbeidsstad i aktivitetsbygda Voss

Har du spørsmål? Ta kontakt med marknadssjef, Maria Liv Gjerstad: e-post: maria.gjerstad@sylvsmidja.no / mobil: 99715852

Send søknad med CV på e-post til: maria.gjerstad@sylvsmidja.no innan 12. januar 2025.

 

Sylvsmidja er ei familieeigd handverksbedrift med 70 tilsette.

Med kjærleik for faget har me i over 80 år laga bunadsølv og smykke av ypparste kvalitet i verkstaden vår på Voss. I dag er me Noregs leiande tilverkar av det som får bunader til å blenkja, og i tillegg satsar me breiare på tilverking av ulike smykkekolleksjonar.

Me jobbar òg med ei spanande satsing internasjonalt og har fleire innovasjonsprosjekt gåande. Verksemda vår har ein årsomsetnad på ca. 115 mill. og me har over ei årrekkje hatt ein sunn økonomi.